Nr 13 Din

PAP/NL: Edwin (Din) Domacasse, kandidato nr 13 riba lista di MPB.

Mi a nase komo mucha di Playa Pabou. Mi mama ta di Kòrsou i mi tata ta boneriano. Komo miembro di un famia grandi di piskadónan renombrá na Boneiru mi por bisa ku mi tambe ta un hòmber di laman. Mi ta tata di 2 yu i ambos ta studiando na Hulanda aktualmente. Ami mes a bai LTS i despues komo ‘mucha di laman’ naturalmente mi a skohe pa ‘scheepvaartschool’.

Mi promé trabou tabata ‘divemaster’ na Flamingo Beach Hotel. Un trabou ku mi a traha durante 8 aña largu. Despues mi a bai traha na Stinapa den sekshon Marina Park, kaminda mi a kaba kumpli 25 aña den servisio. Aktualmente mi ta un ‘chief ranger’. Banda di mi trabou mi tabata gusta e deporte di futbòl. Komo futbolista, militando den Vitesse i Juventus, mi a bira konosí komo ‘Din Kañonero’ pa motibu di e kañonnan ku mi sa lòs riba gol di e kontrapartido. Ku orguyo mi por bisa ku mi a hunga tantu den selekshon hubenil di Boneiru komo selekshon ‘grandi’.

Komo polítiko i konosedó di laman mi atenshon ta enfoká na promé lugá riba tur loke tin di haber ku laman. Mi ta un hende ku semper ta sali pa yuda riba laman ora ku tin problema sea pa atendé hende ku problema ku boto of te hasta aksidente riba òf bou di awa. Mi deseo ta pa bini un organisashon pa yuda riba laman ku tur tipo di suseso manera ora boto daña of kualke otro problema ku hende por hañ’é kuné riba laman. Di e forma aki hendenan riba laman por konta ku yudansa di un organishon spesial pa esaki. Na e momentonan aki no tin un tipo di organisashon asina i ta p’esei servisio ousiliar riba laman ta dependé di boluntat di organisashonnan ku no ta nan tarea pa hasi esei. E organisashon aki nos por lanta den estrecho koperashon ku Hulanda.

Mi ta un defensor di naturalesa di Boneiru i komo hòmber di laman mi ta un defensor di naturalesa bou di awa en partikular. Mi ta kompartí e vishon di MPB ku ta bisa ku desaroyo di Boneiru mester bai man den man ku maneho di nos naturalesa. Nos naturalesa meresé esaki, abo meresé esaki, nos tur meresé esaki, Boneiru meresé esaki! Vota MPB pa un mihó Boneiru!
————————————-

Edwin (Din) Domacasse, kandidaat nr 13 op de MPB-lijst.

Ik ben geboren als kind van Playa Pabou. Mijn moeder komt uit Curacao en mijn vader is Bonairiaan. Als lid van een grote, bekende vissersfamilie op Bonaire kan ik zeggen dat ook ik een man van de zee ben. Ik ben vader van twee kinderen die momenteel allebei in Nederland studeren. Zelf heb ik de LTS gedaan en als ‘jongen van de zee’ heb ik daarna natuurlijk voor de scheepvaartschool gekozen.

Mijn eerste baan was die van ‘divemaster – duikinstructeur’ bij het Flamingo Beach Hotel. Daar heb ik 8 jaar lang gewerkt. Daarna ben ik gaan werken bij de Stinapa, sectie Marine Park, waar ik pas mijn 25-jarig jubileum heb gevierd. Ik ben momenteel werkzaam als ‘chief ranger’. Naast mijn werk hield ik van de voetbalsport. Als voetballer bij Vitesse en Juventus werd ik bekend als ‘Din Kañonero – Din Kanonnier’, vanwege de keiharde schoten die ik op het doel van de tegenstander loste. Met gepaste trots kan ik zeggen dat ik zowel voor de Bonairiaanse jeugdselectie als voor de ‘grote’ selectie ben uitgekomen.

Als politicus en kenner van de zee richt mijn aandacht zich in de eerste plaats op alles wat met de zee te maken heeft. Ik ben iemand die altijd klaar staat om hulp te bieden op zee als er zich problemen voordoen, variërend van problemen met boten tot ongelukken op of onder water. Mijn wens is dat er een organisatie komt die hulp op zee biedt wanneer dat nodig is, bijvoorbeeld als iemand pech heeft met zijn boot of om het even welk ander probleem iemand kan ondervinden op zee. Op die manier kunnen mensen op zee altijd rekenen op hulp van een organisatie die er speciaal daarvoor is. Op dit moment bestaat zo’n organisatie niet en daarom hangt het hulp bieden op zee af van de goede wil van organisaties die niet als taak hebben om dat te doen. Zo’n organisatie kan in nauwe samenwerking met Nederland opgericht worden.

Ik ben een beschermer van de natuur op Bonaire en als man van de zee ben ik in het bijzonder een beschermer van de natuur onder water. Ik deel de MPB-visie dat de ontwikkeling van Bonaire hand in hand moet gaan met beheer van onze natuur. Onze natuur verdient dit, jij verdient dit, wij allen verdienen dit, Bonaire verdient dit! Stem MPB voor een beter Bonaire!